இஸ்ரேலை அங்கீகரிப்பதற்கான சவூதி அரேபியாவின் முடிவு...!

சவூதி அரேபியா இஸ்ரேலை அங்கீகரிப்பதற்கான முடிவை எப்போதோ எடுத்துவிட்டது.

இதனை செயற்படுத்துவது இலேசான காரியமல்ல என்பதையும் உலக முஸ்லிம்கள் மத்தியில் தமக்கு பெரும் அவப்பெயரை ஏற்படுத்தும் என்பதையும் சவூதி அறிந்து வைத்திருந்தது.

தனது திட்டத்தை நிறைவேற்ற நாட்டு மக்களையும் உலக முஸ்லிம்களையும் முதலில் மூளைச் சலவை செய்தால் ஒழிய இதனை நடைமுறைப்படுத்துவது இலேசானதல்ல என்பதை அது அறியும்.

இத்திட்டத்துக்கு தடையாய் இருப்பர் என்று சந்தேகப்பட்ட தலைவர்கள் - சதாம் ஹுசைன், முஅம்மர் கத்தாபி - கொல்லப்பட்டனர்; டாக்டர் முர்ஸி பதவி நீக்கப்பட்டு சிறையில் அடைக்கப்பட்டுள்ளார், பஷார் அல்-அஸாத்தை வீழ்த்தும் முயற்சிகள் தொடர்கின்றன.

இஸ்ரேலுக்கு எதிரான சக்திகள் - ஹிஸ்புல்லாஹ், ஹாமாஸ், சகோதரத்துவ இயக்கம் போன்றன - பயங்கவாத முத்திரை குத்தப்பட்டு, தடைசெய்யப்பட்டன.

அதேசமயம் பயங்கரவாத இயக்கங்கள் - தலிபான், அல்கய்தா, அந்நுஸ்ரா, அஸ்-ஷபாப், போகோஹறாம், ஐசிஸ் - அவர்களாலேயே  உருவாக்கப்பட்டன.

இஸ்லாமிய உணர்வு கொண்ட இளைஞர்களை ஒன்றுதிரட்டி, பெண்களைக் காட்டி, போதையூட்டி, அவர்களின் அழிவுக்கு சவூதி வழிவகுத்தது. (பாவம் அந்த மூளைச்சலவை செய்யப்பட்ட துடிப்புள்ள இளைஞர்கள்).

சவூதி நாட்டிலுள்ள பெருமளவிலான உலமாக்கள் கைதுசெய்யப்பட்டு சிறையில் அடைக்கப்பட்டனர். நாட்டில் எதிர்ப்புக்குரல் அனைத்தும் அடக்கப்பட்டது.

ஷீ'ஆ முஸ்லிம்களை விட யூதர்கள் மேலானவர்கள் என்ற எண்ணக்கரு விதைக்கப்பட்டது; ஈரானின் விஸ்தரிப்பு வாதம் என்ற கோஷமும் முன்வைக்கப்பட்டது.

தமது படியளப்பிலுள்ள "இஸ்லாமிய" இயக்கங்கள் இவர்களது இந்த பிரசாரத்துக்கு உடந்தையாக்கப்பட்டன. பணத்தைக் கண்டால் பல்லிளிக்கும் பச்சோந்திகள் எங்கும் உள்ளனர் என்பது அவர்களுக்கு நன்றாகத் தெரியும். எழுச்சிக் குரலாக இருக்க வேண்டிய "இஸ்லாமிய" இயக்க பிரசுரங்கள் அவர்களது ஊது குரல்களாக மாறின.

எல்லாமும் செய்தாகிவிட்டது. களமும் அமைத்தாகிவிட்டது. மைந்தரை முற்படுத்தி மன்னரே எல்லாவற்றையும் செய்து முடித்துவிட்டார்.

இப்போது அவர்களுக்கு பெரும் தடையாய் இருப்பது ஈரான் இஸ்லாமிய குடியரசு மட்டுமே. அதற்கெதிரான பாரிய அளவில் சதித்திட்டம் முன்னெடுக்கப்பட்டுள்ளது.

பார்ப்போம்.

சூழ்ச்சி செய்வோரில் எல்லாம் அல்லாஹ் மிகவும் மேன்மையுடையவன்.